---
الفصل«178......
الــــــلأب....
..
مهند ساكت.
ساكت زيادة عن اللزوم.
راسُه في حضن أنس،
جسمه تقيل…
مش نايم…
ومش صاحي.
أنس حسّ بالوزن.
الوزن اللي مش وزن جسم…
وزن وجع.
إيده لسه على ضهره...
ما بتحركش..
بس بتطبطب…
مرة كل شوية…
نفس الإيقاع.
كأنه بيثبّت الزمن.
مهند خد نفس طويل…
طلع بنهجان.
صوته طلع واطي…
مبحوح.
«هو…
ليه ما كانش بيحبني؟»
السؤال ما كانش مباشر.
ما كانش مستني إجابة.
كان طالع لوحده.
أنس ما ردّش فورًا.
ما حبش يقول كلمة غلط.
بس قرب أكتر..
«في ناس…
ما تعرفش تحب.»
قالها بهدوء.
مش دفاع.
مش تبرير.
حقيقة بس.
مهند ضحك ضحكة صغيرة.
مكسورة.
«هو كان يعرف…
بس مش ليا.»
الصمت نزل تاني.
تقيل.
بس آمن شوية.
البيت حواليهم لسه ساكت.
المراقبة موجودة…
بس بعيدة.
كأنها واقفة على باب الدماغ…
مش جوه.
مهند فتح عينه.
سقف الأوضة ثابت.
ما بيلفش.
مفيش ظلال بتقرب.
لسه هنا.
أنس لاحظ.
قال بهمس:
«إنت معايا؟»
مهند هز راسه.
حركة بسيطة.
«ايوا....»
أنس ارتاح شوية.
بس ما بعدش.
دقيقة.
اتنين.
وبعدين مهند قال حاجة
ولا هو نفسه كان مخطط يقولها:
«كنت بخاف أرجع البيت.»
أنس بص له.
ما قاطعش.
«مش بسبب الوحده…
بسببه هو.»
بلع ريقه.
«
إيد أنس شدت على هدومه سنة.
مش عارف يعمل إيه غير إنه يسمع.
«كنت بخاف من نظراته…
من الحبس…
من تعذيبه.»
سكت.
وبعدين بص لأنس.
«كنت طفل،
بس فاهم قوي.»
أنس قلبه وجعه.
بس صوته فضل ثابت.
«إنت مش لازم تفضل صاحي دلوقتي.»
ممكن تريح شويه...
مش لازم تضغط علي نفسك...
اكتر من كدا...
مهند اتردد.
عينه رمشت بسرعة.
«لو نمت…
هيرجع.»
أنس قرّب وشه.
خلى صوته أقرب.
«لو نمت،
أنا هكون هنا.»
سكت ثانية.
«ولو شوفته،
أنا اللي هشوفه الأول.»
مهند نفسُه هدي شوية.
مش قوي…
بس كفاية.
مد إيده…
مسك هدوم أنس.
مسكة طفل…
مش شاب.
«ما تمشيش.»
أنس رد من غير تفكير:
«ولا هتحرك.»
عدّى وقت.
مش معروف قد إيه.
المراقبة برّه…
لسه.
بس جوّه…
في مساحة صغيرة
بدأت تبقى آمنة.
مهند غمّض عينه.
مش نوم.
استسلام مؤقت.
أنس فضِل صاحي.
عينه على الباب.
ودانه على نفس مهند.
عارف…
إن اللي جاي أصعب.
وإن الفلاشات
هتيجي واحدة واحدة…
زي نزيف بطيء.
بس دلوقتي؟
دلوقتي بس
هيفضّل ثابت.
علشان لما الطفل يرجع تاني…
يلاقي حد.
---